無奈面對臨終囧事

過年前突然睇到lt;lt;臨終囧事gt;gt;有得放映,離奇.新年就到,“大過年的”,新精頭,新年流流,上一部叫臨終嘅,貪好意頭咩....好鬼囧.....唔係要怪監制或老細,但點解內地上映個陣爭唔到係影藝戲院同步上啊,凈係放幾場都得掛?幕後有人在囧途的制作人文雋監制,葉偉民策劃,資深港導錢江漢,但在香港卻等到內地早落嗮畫了先有得上,確是好悲哀…搞到嗰日2014年1月26號咁尷尬,講殯儀館嘅,應景得滯,文生解畫為出DVD而放,不敢期望多少少人看,沒人肯出廣告費??誠意溫情小品嚟噶,就住殯儀業講下人情世故啫,何必慣性自我排斥,驚死香港地無人看,不肯俾多少少錢賣賣廣告......搵到詹瑞文先生,馮淬帆老前輩,靚女文詠珊小姐,呢幾位係獅子山下加太平山頂點都有粉絲掛,係文藝大報明報賣幾日廣告,我真唔信無人去睇.票房點都多過廣告費(悲觀D咁講-樂觀嘅話多好多),拍影藝老細心口,請佢地分帳收少d,放多幾場……宣傳可用驚嚇 搞笑包裝,抓住呢兩樣嘢,將馮老爺嘅惡相放大擺海報中間,少少抄殭尸海報,講乜盡量等D觀眾向類似殭尸上邊估,佢地收得個喔,馮生同錢生陳友生擺明同期紅噶.入到場先發覺係清新感人殯儀電影,承接邱禮濤導演N年前拍嗰套陰陽路升棺發財,小情小趣,唔係”高大上”,但唔算”矮窮銼”,觀眾會明嘅,唔會發爛渣.真有驚嚇同搞笑啊嘛,一開場林子聰個段齊嗮.落嚟從包貝爾先生(做過收5億嘅致青春入邊靚女觀音兵好友)做嘅男主身世,過渡到利用佢初入行乜都唔知,唔著跡與著跡之間加少少詭異成功地介紹唔少殯儀業通識,驚艷地帶出絕世佳麗(殯儀館見到自然有”絕世”呢個感覺).一單一單的葬禮好流暢,劇情無散到,將份溫情層層推進,馮老爺夫妻情重,詹生嘅病順暢咁帶觀者到情感嘅高潮,埋定嘅”唔識笑”呢個伏筆迎刃而解,情感得到升華釋放.中間穿插的驚嚇係生硬少少,但符合一般對殯儀館嘅印象,合理.搞笑係馮老絕技,收縮水經典傳頌至今,前年扮”那些年”都笑死人啦,由他主理幾得噶,唔覺失敗.本土化類型嘅戲係港大收,呢種唔夠本土變咗無膽係港上戲院,但明係一堆港星拍噶嗎,宣傳側重佢地得唔得.今次無奈,希望下次咁上下嘅戲都請班大哥大佬爭到香港正式上啦!!!