数星星

神勇雙响炮跟嘉禾一系列五福星片一脈相承,分支來的,所以劇情可說的不多,麻甩佬追女仔追壞蛋,一堆笑話爛GAG大集,不過這部查案線還是挺配合笑料.最精彩或說最出彩最賣座原因就是演員本色演出或演員固定一喜劇風格,中外大師都是這招,一轉型反被罵,包括星星童鞋.岑建勳吳耀漢喜劇風格最夸最怪,才找他倆獨立擔大旗.當時嘉禾最興兄弟班一齊上,唔做主角都來做串星,呢部同個D建國偉業一擔擔(前後讀音不同-前讀扁擔-後讀擔心-意即一樣一條褲兩份著一個鼻孔出氣),最啱數星星.1.最勁依噶最響最閃嘅就係----登登登登—葉德嫻小姐,嗰時雙十年華(未必),粉面吹彈得破的,時時嘴角含春,將我和耀漢哥電得一陣陣,暈嗮大浪(迷的三魂去了五魄).(那當然現時都幾好…)2.最近出來依然鬼火咁靚嘅溫碧霞小姐,她真係卜卜脆,二八嬌娃,絕無貶意,新片lt;lt;紮職gt;gt;可拿來比較,就知何謂吃防腐劑或叫不老的傳說,耀漢哥太保哥幾生修到……我飛撲入戲院睇紮職就是為了睇她!還買了正版DVD!(似對詩雅湯怡小姐不敬SORRY啰)3.~14.洪金寶.馮淬帆.秦祥林.成龍.元彪.林正英.鍾發.太保.陳會毅.狄威.午馬.田俊.陳欣健,一干五福星洪家班悉數出動幫舊拍檔,最型係狄威哥赤裸SHOW腹肌,仲係天臺走來跳去超型地跳樓死(真跳會否係更膽正命平嘅例如錢嘉樂?).映後出現嘅此片導演張同祖話呢場係偷拍,夜晚係整條街鋪定6層紙皮箱,天一光就跳,武師上面睇地面太高覺得紙箱好細,仍頂硬上瞇埋眼(合上眼)一嘢跳落去.15.戚美珍小姐,這超級驚喜,作為三哥苗僑偉(無線五虎將-最近係電視叱咤風云)的夫人,少有銀幕演出,竟客串此片,她嗰幕仲係非常爆笑依噶難得一見樂而不淫但又咸咸地的笑料!相信都係由下面數嘅巨星搞出嚟.16.對部戲來講,最重要嘅明星係黃炳耀先生,即係lt;lt;逃學威龍gt;gt;中使出奪命較剪腳嘅探長,佢係編劇,張同祖說此片大部分笑料都佢度(想到)的,尤記得lt;lt;逃學gt;gt;里吳孟達扮星星爹哋痛打星一番后仲話周SIR你知你幾硬凈噶啦打到我手都就嚟斷,笑死我啦.此等高幾班笑料只有黃生先度到,上帝已先一步請佢上去講笑話,我地凡人慘啦.黃大編劇將部戲成功地串起,人物性格令爛GAG都閃閃生輝,最終博到盡得個吉(一場空之意)嘅結局余韻無窮,只有兄弟情永在愛情飲水飽應知足.