我最鍾意嘅卡通~~

前晚同舊同事宵夜，居然同我講B站買咗重新畫嘅《銀河英雄傳説》連載！！(⊙o⊙)嘩！！對於我呢啲第一代嘅銀英迷，簡直福音~~~今晚一個唔覺意，追到呢個鐘數~睇完同盟軍佔領伊謝爾倫要塞，就即刻瞓~同舊版比呢，畫風有啲變，但係畫面靚好多，我鍾意新版嘅主題曲，有氣勢而且感覺冇咁冷冰冰~其中有一段好似一首英文舊歌《nothinggonnastopusnow》唔知呢套新版日本嘅發行點呢，想當年，興玩論壇嘅年代，銀英專屬就有n個，基本個個銀英迷都有自己追捧嘅人物~我本來想喺論壇改個名叫做“疾風之貓”~點知有人先註冊咗(ಠ.̫.̫ಠ)~唔知家陣有幾多人會鍾意銀英傳，架空歷史嘅太空三國演義~其實格局有啲大，但係故事真係好吸引~引發各種思考与討論~田中芳樹其實重有其他作品製作成卡通，《創龍傳》《亞爾斯蘭戰記》，但係最出色係銀英~B站冇得下載啊~希望以後有啦，舊版我好彩揾到有臺配嘅國日語版~ATV其實配過粵語嘅，不過亞視連李我叔嘅播音資料都洗嗮，點會留套配音嘅卡通~~